نئجه یاشاییم؟

سنی گؤرمه‌ینده داریخیر قلبیم

دانیشا بیلمیرم توتولور دیلیم

همیشه یولونو گؤزله‌رم گولوم

یارسیز بو یئرلرده نئجه یاشاییم؟

سنسیزلیکده سنی هر آن آنمیشام

بیرلیکده اولاندا خوشبخت اولموشام

سن گئتدین یئنه‌ده تنها قالمیشام

تنها بو یئرلرده نئجه یاشاییم؟

سئویرم سئوگیلیم سن بونا اینان

دیلیم دئیه بیلمز بو سؤزو یالان

سنسیز حیاتیم بیل قارا زیندان

زیندان حیاتیندا نئجه یاشاییم؟

سنسیزلیک حسرتی منی بوغوبدور

باخاندا هر یانا قارا بولوددور

بولودلو حیاتیما قملر یاغیبدیر

قم یاغیشی آلتیندا نئجه یاشاییم؟

سن گئتدين!

قاليب دووارلاردا قانلي اللري‌نين رسمي

كؤلگه‌ن بوي آتير يوللارا

سني يامسيلايير منه!

دالينجا آتديغيم سولار دونور گؤزلريمده!

هرگئجه يوخومو بوروشدوروب

سني اؤلن دقیقه لرین چانتاسینا آتیرام

 بير كؤرپه،ايزلرينده چاتلاميش گونشي ساللايير ايچيمدن!

يئني‌دن دوغولورام

آتا بابامين قازديغي قبيرلردن!

دغولورام تورپاقدان آسيلان قاريمیش قيزلاردان!

هر سحر

دامجي-دامجي باخيشلاريما يودوردورام قانلي دووارلاري

و قادینلار سینیق گؤزلریمی سوپورورلر کوچه دن.